मां की याद रूवा दे सै

उन्ह लम्ह्या मै वापस ल्यादे सै
मां की याद रूवा दे सै‌ !!

सारी चिंता गलै ले रही सै, सारै दु:खां नै खे री सै ।
पर एक मन्त्र ले रही है ,
आप पाच्छै  सोवै, पहल्यां  सबनै सुवा दे सै ।
मां की याद रूवा दे सै ,उन लम्हया मै वापस ल्या दे सै !!

बाबू पूच्छै बेटे तै तन्खा आली के, 
 मां   पूच्छै बेटा रोटी   खाली     के
मां तेरी वाहे आदत जा ली के,
तु लूकमा गाजरपाक पहूंचवा दे सै।

मां की याद रूवा दे सै ,उनहे लम्ह्या मै वापस ल्यादे सै !!
गणे दिन मैं आवै बेटा , मां कै चा सा चढ जे सै 
अर बेटै नै देख के मां का पाईया खून बढ जे सै
4 मांगू 5 देवै , मां एक फालतू रोटी खुवा दे सै 
मां की याद रुवा दे सै , उन लम्हयां मैं वापस लया दे सै

बुड्ढी होगी गोड्डे टूटगे , चालनै के लाले होगे 
आंखरी सांस छूट गी , हालण के लाले होगे 

जांदी जांदी भी बेटै कै ए जिंदगी लादे सै 

मां की याद रूवा दे सै उन लम्हयां मैं वापस ल्यादे सै


ASHOK KUMARR 
PRE-PHD SCHOLAR 
Guru JAMBHESHWAR UNIVERSITY OF SCIENCE AND TECHNOLOGY HISAR

About.me/the.ashok
itsrajliwala@gmail.com












Comments

Popular posts from this blog

पापा, ऐसा वर तलाशो…

Best Gift on valentine